ITEACHERZ QUICK VIEW

14 July, 2014

ప్రకాశం జిల్లా విద్యా వార్షిక ప్రణాళిక 2014-15

ఒంగోలు ఒన్టౌన్ : జిల్లాలో 2014-15 విద్యా సంవత్సరానికి విద్యా వార్షిక ప్రణాళికను ఖరారు చేసినట్లు డీఈఓ ,డీసీఈబీ చైర్మన్ బి.విజయభాస్కర్,
డీసీఈబీ కార్యదర్శి జి.పుల్లారెడ్డి
తెలిపారు. ఈ ఏడాది పాఠశాలల
మొత్తం పని దినాలు 229 అని,
స్వయం నిర్ణయక, ఐచ్ఛిక
సెలవులు మొత్తం 8 పోను,
పాఠశాలలు నికరంగా 221 రోజులు పని
చేయాలని పేర్కొన్నారు. ఇతర
సెలవులను ప్రభుత్వ ప్రకటనల
మేరకు పాఠశాలల్లో
అమలు చేయాలన్నారు. ఐచ్ఛిక
సెలవులు 5, స్వయం నిర్ణయక
సెలవులు 3 వాడుకునే
వివరాలను పాఠశాలల తనిఖీ అధికారికి
ముందుగా సమాచారం అందజేయాలని
వివరించారు. మారిన నిబంధనల
ప్రకారం పరీక్షలు నిర్వహించాలన్నారు.
- జూలైలో నిర్మాణాత్మక మదింపు-1
(ఫార్మెటివ్ అసెస్మెంట్ -1)
నిర్వహించాలి.
- ఆగస్టులో నిర్మాణాత్మక
మదింపు-2 (ఫార్మెటివ్ అసెస్మెంట్
-2) నిర్వహించాలి.
- సెప్టెంబర్లో సంగ్రహణాత్మక
మదింపు -1 (సమ్మెటివ్
అసెస్మెంట్-1) నిర్వహించాలి. ఈ
పరీక్షలను సెప్టెంబర్ 11 నుంచి
23వ తేదీ వరకు నిర్వహించాలి.
ఆగస్టు సిలబస్ వరకు మాత్రమే
ప్రశ్నలివ్వాలి.
- పాఠశాలలకు సెప్టెంబర్ 24వ తేదీ
నుంచి అక్టోబర్ 5వ తేదీ వరకు దసరా
సెలవులు ప్రకటించాలి. సెలవుల
అనంతరం 6వ తేదీన
పాఠశాలలను పునఃప్రారంభించాలి.
- నవంబర్లో నిర్మాణాత్మక
మదింపు-3 (ఫార్మెటివ్ అసెస్మెంట్
-3) నిర్వహించాలి.
- డిసెంబర్లో సంగ్రహణాత్మక
మదింపు -2 (సమ్మెటివ్
అసెస్మెంట్-2) నిర్వహించాలి.
డిసెంబర్ 10 నుంచి 22వ తేదీ
వరకు పరీక్షలు నిర్వహించాలి.
నవంబర్ సిలబస్ వరకు మాత్రమే
ప్రశ్నలివ్వాలి.
- క్రిస్టియన్ యాజమాన్య
పాఠశాలలకు డిసెంబర్ 24 నుంచి
2015 జనవరి 2వ తేదీ
వరకు సెలవులు ప్రకటించాలి. జనవరి
3న పాఠశాలలను పునఃప్రారంభించాలి.
- ఇతర యాజమాన్యాల
పాఠశాలలకు జనవరి 7వ తేదీ నుంచి
16వ తేదీ
వరకు సెలవులు ప్రకటించాలి. 17న
పాఠశాలలు పునఃప్రారంభమవుతాయి.
- ఫిబ్రవరిలో నిర్మాణాత్మక
మదింపు -4 (ఫార్మెటివ్ అసెస్మెంట్
-4) నిర్వహించాలి. ఈ
మదింపును ఫిబ్రవరి 19వ తేదీ
నుంచి మార్చి 2వ తేదీ
లోపు నిర్వహించాలి.
- ఏప్రిల్లో సంగ్రహణాత్మక
మదింపు -3 (సమ్మెటివ్
అసెస్మెంట్-3) నిర్వహించాలి. ఏప్రిల్
9 నుంచి 21వ తేదీ వరకు ఈ
పరీక్షలు నిర్వహించాలి.
పాఠశాలలకు ఏప్రిల్ 24 నుంచి జూన్
11వ తేదీ వరకు వేసవి
సెలవులు ప్రకటిస్తారు. వేసవి
సెలవుల అనంతరం జూన్ 12న
పాఠశాలలు పునఃప్రారంభమవుతాయని
వారు వివరించారు.

Popular Posts